Sunday, April 30, 2006

السادة حضرة اعضاء مجلس النواب الافاضل: الله يخزيكوا

ساسجل عتابا على مجلس نوابنا وهو عتاب على قدر المحبة لذلك سيكون صغيرا للغاية و من حق اي مواطن اردني ان يخشى من انتقاد مجلسه وهو يتذكر كيف شلو امل رئيس بلدية الزرقاء الذي مارس ديمقراطيته و قال بان ثلاثة اربعاء النواب كاذبين...... و ربما قالها على قعدة سكر او بعد جلسة في صالون سياسي مخمج او فقط لجذب الانتباه وربما كان عميلا متصهينا للموساد يعمل على زعزعة امننا او ربما كان متاملا في المجلس ان يتقبل منه التعليق بروح رياضية لانه مجلس الديمقراطية لكن الزلمة اعتذر بشده و اوضح انه كان يقصد نواب العالم.... من ط** ستي نواب العالم كانه بعرف حدا فيهم
على اي حال تلك كانت قصة قديمة عن مجلس نواب قديم وجاء مجلس جديد وانا نزلت عمادبا وصوتت لابن عشيرتي اللي بعمري ما شفته ولا راح اشوفه بحياتي لكني لاحقا سمعت بعض اقواله الماثورة و اكتشفت ان فهمه بالسياسة يطابق فهم ستي بالسريلانكي
....
و جاء مجلس النواب الجديد ولم ينتظر النواب كثيرا فاصدروا قرارا باعفائهم من جمارك السيارات ورغم ان المليون ليرة تاعت الجمارك هاي لن تكسر ظهر البلد لكنها الرسالة الواضحة التي ارسلها النواب للشعب الذي انتخبه هي الاصبع الاوسط وخذوا مش فارقة معنا لو بتموتوا جوع المناسف اللي طعميناكو اياها قبل الانتخابات بتكفيكو اربع سنين

ثم جاء قانون جرائم الشرف فصوت النواب ضد المراة الاردنية وضد حقوق الانسان، حتى بلغت الجراة باحد اشباه الرجال ان يقتل اخته المتزوجة والدة لثلاثة اطفال لانه يعتقد انها مش شريفة و حمل جسدها الى المخفر متحديا الشرطة واي اردني مين اللي بقدر يعتبره قاتل او يطيل حبسه في سجن سيعتبر فيه بطلا وسيستقبل عند الخروج منه كالفارس المغوار لان من وراءه مجلس نواب يهتم بجمع السيارت اكثر مما يهتم بارواح الاردنيات وارزاق العائلات
حريقة


مع احترامي الشديد لبعض اعضاء المجلس- هاذي طبعا بقولها لتوفير بعض الحماية

8 comments:

Firas said...

يا زلمة انتا و صاحبك إياس حالفين تسكروا الجوردن بلانيت ولا شو بزبط؟

أحكيلك؟ إكبير! كبير هل بلد الكل خايف يحكي و بمسح جوخ
المشكلة انو ازا واحد حكا الكل بسكت و بصيرو يحكولك انو انتا بس لحالك إبتتفلسف و انك حاقد

هلا انتا معاك كرت أخظر؟ الكرت تبع أمريتشا مش ولاد عمنا؟ يا خوك دبرلي شغل في كازية

Abu 7amarneh said...

balla be7yat allah la meen a36eit sotak fi Madaba???

mas5ara kanat,,, sa7?

hamede said...

Abu 7amarneh.
hareega sawat fe alkarak.

moi said...

LOL, 7ilwa hai 'middle finger', sharru elbaliyyate ma yud7ik...

Firas, bas kaziyeh? 6ayeb u6lub ishee mi7riz, bindabrak... ilzabbaleen hon be6al3u balawee, lemme know if ur interested ;)

Khawaja M. said...

يسلم ثمك!

Musa said...

ma tinsa ganoon ishar il thimmeh il maliyyeh, illi tagga3ooloo. 3ala ra2i il sha3err....

(ya a3dala annassa illa fee mo3amalati)...
feeka il khisamoo wa anata al khasmoo wal 7akamoo...

ya3ni ba3dd 17 saneh 3ala il tajroba il demogratieh wa sogoot il dinar, wa intiha2 7okomatt zaid il rifa3i wa thawrett il janoob, il tajrooba il dimogratieh fee tarajo3 mostamerr ma3 il asaff....

mish ma3gool ya3ni 3abdel-oodi ikoon ra2eess il majless alf dawra wara ba3ad wa ba3dain notlobb minno yikshiff 3an masaderr amwaloo ? willa kaif ?

Hareega said...

فراس بصراحة مش كثير صعب الواحد ينتقد النواب الشغلة ما فيها كثير مخاطرة
معيش كرت اخضر عايش على الفيزا اذا قلتلهم بدي كرت اخضر بطلعولي الاحمر و بحكولي اقلب وجهك

Abu 7amarneh... balash tafaseel Alla yerda 3alaik balash teeji bi raas abooy :D

Ah el inti5abaat bi Madaba ma kanat gawiyyeh o nuss elli sawwato 3omerhom ma weslo madaba men gabel

hamede no man i voted in Madaba

Anonymous said...

لما سمى بنات الدعارة ببنات الهوى الالهوى النفس الامارة بالسو ءلن يصلح الله امورنا الا لو امر الحكام العرب بالقضاء عليها