Sunday, February 04, 2007

يلعن أبو هالشغلة


الزمان: قبل اسبوع

المكان: منزل صديق تونسي
المناسبة: عزيمة على العشاء بمناسبة منزل جديد وعملنا حالنا ناسيين شو المناسبة عشان ما نجيب هدية

يجلس حريقة بجانب عادل السوري وسليم الفلسطيني، اضافة الى كوبلز امريكان كانا جالسان يتغزلان ببعضهما البعض وامراة سوداء

يسال حريقة سليما: "مان مين هذول الاميركان القاعدين ما لقطت اسمهم
اجابه سليم باستياء: "نسيت ..ومش فارقة معي همه جايين هون ياكلو ولا يحسوسو على بعض

"طيب مين هاذي السودة سوادها مش اميركاني لا تكون سودانية!"

وهنا دقره عادل قائلا : "لاء يا زلمة هادي من.... من.... " ثم اخفض صوته حتى كاد يختفي "من رواندا يا زلمة كل اهلها دبحوهم واغتصبوهم وجننوهم ما ضل حدن فيهن الا هي اجت لجوء عاميركا يعني رافيوجيي كامب بس لا تجيبلها سيرة بلاش تئلب دراما
ثم اردف قائلا : "اسمع انا بعرف هدولي كلن معن غرين كارد ليش ما تتجوزا ؟ اظن انها كاسوليك

اجابه حريقة: "لاء شكرا خليلك اياه
ليش يعني عشنها عبدة؟
لاء بس بديش اتجوز، ولو بدي ما بدي ولادي خوالهم يكونو اوناديكا و تامبوكاند

وهنا تدخل سليم قائلا :" مان عيب تحكي عنها عبدة هادي بني ادمة"

" حاجي بئا تتفلسف انت كل ما تشوف اسود بتحكي عنو نيغر "

"اه بس عالقليلة مش زي حضرة جنابك كل ما ييجي مكسيكي عندكو يقدم عشغل بتطلع عليه سمعة انه تبع مخدرات "عشان ما يوظفوه

"لاءا حبيبي هادا بس رودريغو الي كان معي بالجامعة هالمازار فاكار بكره العرب كره العمى و عشو مني عارف"

ثم قطع المناقشة دخول ادريس حاملا بعض صحون الطعام
ساله حريقة "شو هاظا؟"
اخذ ادريس نفسا عميقا ثم شمر عن ساعديه واخذ يشير الى المائدة كدليل السياحي "هذه سلطة مشوية ناكلها كثير في تونس وهذيك طاجين قوتة وهذيك بريك بالتن وهذيك اكلة نسميها اللبلالي

?وشو هاظا الاخظر و الاحمر اللي هون" ساله حريقة مشيرا الى طبق جانبي"

"هذي باذنجان بالثوم والفقوس" ثم اكمل قائلا "ان شالله يعجبكم"

هز عادل و حريقة راسيهما موافقين ام سليم فقال بحماس "يا زلمة فتحت نفسنا

دخل ادريس ليحضر بعض المشروبات غير الروحية
واثناء غيابه اعلن سليم ببعض من الخوف "انا مش راح آكل من هاد ابصر شو فيه الاكل

وسانده حريقة "و لا انا يا زلمة الوان الاكل زي قوس قزح " ثم وضع يده على كرشه المترهل و اضاف "انا اصلا معدتي حساسة للاكل بشكل عام

وهنا عاد ادريس الى الغرفة قائلا "اني قلت لاحمد ييجي لكنه قال انه مشغول والله اعتقد انه كاذب، يحاول يتفاداني، لمن صار يشتغل بالسوفت وير صار معاه فلوس بطل يتكلم معايا، فاكرلي نفسه ذكي لكنه مكلخ، شكله مثل البخوش المبجوق .... حاشاكم و حاشا مقامكم"
"
اضاف عادل "اه لاحطت هالشي أنبيليفابل يا زلمة مفكر ازا صار معه قرشين يعني صار بني ادم، لسا هديك السنة بتزكر وانا قاعد عنده مسامير كنبياته دخلت بطيزي
"يا ساتر"

"وقال شو مفكر يفتحلي سوفت وير كومباني هالاهبل"

"راجل مكلخ"
.......تدخل حريقة باقتراح مهم
"خليه يسميها ظراط عالبلاط دوت كوم"

قام ادريس ليحضر المزيد من الاطعمة الملونة ثم قال سليم "يا زلمة ما بدي اكمل هالاكل كتير تقيل عالمعدة
اضاف حريقة معلقا وهو يلحوس ما تبقى من الصحن الثالث وسط نظرات استهجان شديدة من الكوبلز الامريكان "اه مان هذا اكل ما بتتاكل انا عارف كيف عايشين عليه هناك؟"

قال عادل بسخرية " لازم نعطيه للعبدة تبعته لشعبها هناك هع هع هع هع

وانفجر الشباب ظاحكين على هذه النكتة السخيفة وبعدها اندمج الحضور في حديث حول صراع الحضارات والحرب على العراق ومباراة السوبر بول الاحد القادم
و اثناء الحديث ذكرت الرواندية انها تحب تعلم اللغات المختلفة، فاخذ حريقة يتفلسف بصفته يجيد غناء أغنية عيشة بالفرنسية ويستطيع طلب البوريتو بالاسبانة من المطعم المكسيكي المجاور

فسألها بالآنجليزية: كم لغة تتكلمين؟
أجابت الرواندية "فايف، انغليش، فرنش، رواندان، سواهيلي " ثم صمتت لثانتين واضافت "ارابيك"

التفت الجميع اليها وكأنها ألقت لتوها بقنبلة ذرية على المائدة. ثم أضافت و كأنها تجيب على سؤال لم تُسأله "أنا
أتهدس الهربية جيداً فلقدت درست في مدرسة هربية
أكمل الجميع طعامهم بهدوء شديد ّمتفادين النظر الى أي شخص جالس قبل ان يعلق أدريس "اه نسيت اقولك أنه
ألويسيا تتحدث العربية"
أجابه حريقة "أنت راجل مكلخ" ثم أكمل طعامه بهدوء وهو يفكر أذا ما زال بإمكانه الحصول على منسف في مثل هذه الساعة المتأخرة من الليل

22 comments:

Omar said...

مين صاحب عبارة
""خليه يسميها ظراط عالبلاط دوت كوم
؟؟ حريقة؟
كله كوم ولما قلك هذاك "معاتبا" ليش ما بدك تتجوزها, عشنها عبدة؟ قال اجا يكحلها لعن ابوها, يعني احتمال كبير ما تكون فهمت الحكي, يعني لو انا محلها وسمعت النكتة وفهمتها كان طربقت الطاولة على روسكوا

Anonymous said...

Shoof, elyoum Saturday wa jay 3ashoghol mesh shayef kodamy 7amel kobayet hal shay ew bakabkeb everywhere, we mesh rady arod goodmorning la ay 7ada.
Then your post was the first I read at work, and I want to thank you for the tears, the snot and the tea spots all over my desk.

Have a shusmo day :-)

Khaled

Anonymous said...

:)

entertaining..thanks

Anonymous said...

كما جاء في المأثور : من تعلم لغة قوم أمن شرّهم .
والله فيلم أخو شلن الله سترها معكو

Amer said...

LOOOL man ta7sheesh, 7asseit 7ali bakra2 la fakhri ke3war lol

Anonymous said...

sorry man bass btistahalo:) I was expecting the ending and pleased to see it happen:)

Hareega said...

omar... momken ma tkoon fehmat, ma 7abbait as2al bel marra!

palforce... good to hear that man, have a shusmo evening !

gardenia and amjad... thanx for reading !

amer.... ya sater! fakhri! zaman 3anno

salam... alla ysam7ek bass, mashi etzakkareeha

lubna said...

btestahalo... nazleen feeha w f baladha:D

w fa5ri ke3war... i never liked him.. i had mo2nes il razaz as my favorite among them.

Anonymous said...

LOL, same thing happened once to me and my friends in college :D

Moey said...

Palforce said...

Shoof, elyoum Saturday wa jay 3ashoghol mesh shayef kodamy 7amel kobayet hal shay ew bakabkeb everywhere, we mesh rady arod goodmorning la ay 7ada.
Then your post was the first I read at work, and I want to thank you for the tears, the snot and the tea spots all over my desk.



hahahahahahahahaha

Blogger said...

TyBical Bebol!

El Zalameh ma gasar o 3azamkom, o entu nazleen taklu fee (shoof el roz, ya3 wella el Jaj.,,,fatayes)

انها تتحدث العربية الفصحى، بس بقص ظراعي ازا إبتفهم على لهجتنا

مش طبيعي شو رازيست

بس الصراحة؟

:D Funny as hell!

Mala2e6 said...

loooooooooooooool
انا تربيت زماااااااان
هلا بفترض انه كل الناس بعرفو عربي

اكيد ما فهمت عليكم لانه ما شاء اللهجة يعني انا يا دووب مهمت

نفسي اتعلم فلبيني
انا متاكدة اللي بيعملو الاضافير بحكوا علينا



و الله اشتقنا يا حريقة لمواضيعك هاي

Anonymous said...

THAT WAS HALIROUS..Efda7 tareeikhak shu innak "funny".

Miss. Remawi

7aki Fadi said...

Hilarious!!

I feel like I had this conversation before, it seems we love to inshil 3ard wa amal ay 7ada sitting there that does not speak English.

I haven’t laughed at an entry as much as I did to this one.

ismaak kaman imuale3 :)

Hareega said...

lubna... yeah it was embaressing
alla yerhamo mo2nes

hamzeh n.... it looks like everyoone had a situation like that, it's something they should tell us about in the airport before we leave jordan

firas.... enshalla ma tkoon fehmat, bideesh as2alha

mala2e6... ah dayman kan jay3abali at3allam sirilanki 3ashan afham 3al sirilankiyyeh o hiyyeh bte7ki 3anni,
good to see you here

Miss Remawi... thank you for reading & visiting

7aki fadi... thanx for reading man i'll keep checking your blog sounds interesting, enta orthothoxiyyeh?

Moey said...

Mala2e6; iza beddik b3raf shway filippino

7aki Fadi said...

Ana inti mish inta :) .

Did you mean the school orthothoxiyyeh? if so, ya zalameh we were too poor to go there, eh eh eh eh eh (idmoo3 bitsharsher) ...LOL.

Later.

Anonymous said...

بمناسبة صديقك التونسي وملاحظاته حول التحسيس تذكرت أنني كنت اشارك في مؤتمر في تونس قبل سنتين وجاء خبير تونسي وألقى محاضرة مطالبا بإعداد وتنفيذ "استراتيجية وطنية للتحسيس" وبعد أن بلشت اضحك مثل المعتوه على هذه الجملة قام أحدهم مشكورا ليفهمني بأن "التحسيس" باللهجة التونسية والمغربية معناها "التوعية" أي بمعن أويرنس باللغة الإنجليزية. أعتقد بأن العالم العربي بحاجة إلى قاموس تونسي-عربي في بعض الحالات.

Hareega said...

Batir... lol it's good you didn;t ask about their favorite meals bcoz some of the names might alos be very offensive

Unknown said...

Asli ya man, 7ashashet 3al a7'eer
mawqef a7'o shelin

Anonymous said...

Yes hareega their favourite meal is embarassing especially if you ask for only "half a meal"!!

whisper said...

زكرتني بكاريكاتير لعماد حجاج اللي ابو محجوب عازم الناس فيه و بعد الاكل ابو محمد بنكش بسنانه و بحكي عن الاكل...ولا الجاج يععععع
يعني لا بترحمو ولا بتخلو رحمه ربنا تنزل
و بتلحيس الصحون تزكرت اخوي اللي بيعطيني الصحن و بحكيلي خلص ضبيه ما بده جلي هيني ريحتك...قولي عني عاطل
but as usual v nice