Saturday, November 12, 2005

كيف مزطوا من المخابرات؟؟

لعل اهم اسباب راحة البال لدى الاردنيين هي قوة جهاز المخابرات، يعني معروف من يوم ما الواحد يبلشوا شنباته يطلعوا بكون في ملف عم بنفتحله في المخابرات لتسجيل كل "المخالفات" ، واحنا عارفين شو هي المخالافات ..... التي من ضمنها التفكير او التخطيط او الاتصال باي شخص يقكر بالمساس بامن الدولة، وامن الدولة يعني امان المواطنين..... و راينا كيف تمت احباط عدة عمليات حاولت المساس بامن الدولة، ومرة ثانية امن الدولة يعني امان المواطنين، يعني امن ابوك وامك وعيلتك كلها و حتى الغيرلفريند
لكن مش كل مرة بتسلم الجرة، والجرة انكسرت اكثر مرة، في الاردن
انكسرتلها مرتين ثلاثة وفي السعودية ومصر اكثر شوي، و في العراق كل يوم بتكسر عندهم مئة جرة.... لكننا في الاردن كانت صعبة شوي نتعلم الدرس،
يعني بس مسكوا الجيوسي و جماعته قلنا المخابرات بتخوث عالشعب اخس عليهم، و بس طشولهم ٣ صواريخ عالعقبة واحد فكح و ضرب
ايلات في الهجمة الوحيدة للقاعدة على اسرائيل قلنا السببوراء الصواريخ هو علاقات الاردن مع اميركا و ارتفاع الاسعار و شقاء العيش....
بس قصة صواريخ عالبلد مش مزحة، و مع انهم مسكو البلطجية بسرعة البرق (ابطا شوي) الا ان وقوع الحادث كان الارما ان هناك خللا ما، او انو الارهابيين صاروا فاهميين للمخابرات كويس و عرفوا كيف يمزطو منها.
اللي فجروا نفسهم عراقين، لكن من دبر هذا العمل مش عراقيين، بل اشخاصا يعرفون الاردن و شوارعها و ناسها احسن مني ومنك و من عشرة زيك، ومن ناس عارفين الاجهزة الامنية والمخابرات و رايحيين عالراديسون والحياة والدايز ان مليون الف مرة قبل ما يخططوا للهجوم، زايريين مناطق ثانية كمان و شافو انها "غير صالحة للارهاب".....
ناس معها قروش واخطر شيء ناس متعلمة وعلى قدر كبير من الذكاء و القدرة على غسيل الادمغة
عم نتعامل مع ناس هاي تك، وتك تك تك انا حيران لان الزرقاوي كان غبيا جدا في المدرسة و كان فقيرا و عايش في حارة ملتعن حرمها بالزرقا ولو واحد اخذوا عالعراق وحكالو هاظي اميركا صدق
، لكن حتى لو اعتبرناه قائد تلك الجماعات الارهابية فانه بالتاكيد لديه الكثير من الرجال ورائه و حوله و خاف الله الكثير الكثير منهم اردنيون عاشوا معنا و اكلوا معنا و جايين هسا يخلصوا علينا بس على مين يا حبيب امك فزتوا بجولة وحدة وجاي اليوم اللي نخلص عليكوا بالضربة القاضية
هارييغا

7 comments:

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Knight said...

ان شاء الله تكون اخر مره بمزطوا فيها
والاردن يكون اقوى منهم همه والي وراهم والي بيمولهم كمان عقبال مانسمع خبرهم كلهم

Anonymous said...

Amin abu el Fawares!

Madi said...

يا اخي مش عارف بس اظن الظن التالي
احنا كنا نسمع من فترة لفترة انو تم القبض على مجموعة من الحوش و الي كانوا يخططوا لـ و لـ
شكلوا انهم قرروا يضحوا باكم حمار من حميرهم عشان يشغلوا المخابرات معهم
و بنفس الوقت جابوا حمير جديدة مستوردة (ختم المسلخ) و جهزوهم على السكيت


نعم واضح جدا انو الكلاب عارفين عمان اكثر مني و منك , لانهم فجروا صهريج نفط على طريق الزرقا قبل ساعة من عمليات الفنادق عشان يشغلوا الشرطة و الدفاع المدني
لانو زي ما بنعرف الدفاع المدني و مديرية الامن
مقرط العصا من حساة عمان و الراديسون
و يعني اكثر من المقرط بشوي بالنسبة لل دايز ان

Anonymous said...

umm... goli ya 7'oy... ween E-mailak enta? O_o

Hareega said...

JAd

مزبوط هاي مش عملية خطط لها من اسبوع زمان هاي بدها تخطيط طويل واللي عملها مش بس الزرقاوي الزعلطي هاي عملوها ناس كثاااااار

nooe my email is dr_faristuta@yahoo.com