Monday, September 11, 2006

على ابواب اميركا

المكان: مطار فيلادلفيا بالولايات المتحدة
الزمان: عام الفين وثلاثة
وصل حريقة و صديقه للتو الى اميركا ووقفا على الطابور وهما يعبئان استبيان الدخول الى الولايات المتحدة
بادره صديقه بالسؤال .."اسمع مان...عم بسالوني هون اذا جايب معي اكل شو احكيلهم؟؟
اجابه حريقة " ولك مش قبل ما نطلع من الطيارة قلتلك تدحش الفستق تحت الكرسي بدون ما حدا يشوفك؟؟

اجابه .."اه دحشته بس عم بسالك عن الجميد"

فقال له حريقة باستهجان "يا زلمة جايين اسبوع عاميركا لازم تجيب معك جميد يعني"

هنا ثارت اعصاب صديقه الذي صرخ بصوت مسموع "انا عارف عن عمي شوقي باعتلي جميد عشان ابعته لعمتي عبلة بهيوصطن"..ثم اخذ نفسا عميقا وصرخ..."مفكرلي اميركا مثل مادبا"

اضطر صديقه للتوقف عن الصراخ لانه لاحظ ان رجلي امن امريكيين وقفا يحدقان به وهما في حالة تاهب حتى ان احدهما بدا وكانه
يتحسس مسدسه المثبت باحكام بجانب قفاه الممتلئة

ثم عاد صديقه ليسال "شو احكيلهم اذا سالوني عن الجميد.... شو جميد بالانغليزي؟؟"
"احكيلهم لبن....يوغرت"
"وشو بنعمل باللبن؟"
"بنعمل منسف.....اكبلوسف"
"طب اخرس مش وقت المزح هلا، اذا بحكي اكبلوسف قدامهم والله ليرجعوني عالاردن"
وصل حريقة الى الشباك فساله المسؤول عدة اسئلة ثم اشار له بالذهاب الى غرفة جانبية

دخل الغرفة التي كانت مكتظة بالناس من مختلف الاشكال، اخذ يبحث عن صديقه فلم يجده ، فجلس على احد الكراسي حاملا حقيبته بيده اليمنى وجواز السفر باليسرى
اخذ الرجل الجالس بجانبه يحدق في جواز السفر ثم نظر الى حريقة بتمعن وكانه يشاهد مخلوقا عجيبا قبل ان يبادره بالسؤال " اردني
عرفتك من الجواز"
فابتسم حريقة واجاب "اه والله اردني انت اردني كمان؟"
"اه حبيبي اردني، كيفك حبيبي؟"--
"حمدلله حبيبي منيح"--
"اول مرة بتيجي عاميركا حبيبي؟"--
"لاء اجيت قبل سنتين"--
"قبل ناين اليفين حبيبي ولا بعد؟"
"لاء والله حبيبي قبل، --هاي اول مرة باجي بعد، انت اول مرة بتيجي عاميركا؟"
"اه اول مرة وبصراحة حبيبي كتير ناس خوفوني من السيكيوريتي بالمطار حكولي ممكن يرجعوني عالاردن"
فطمانه حريقة وكانه ضليع في هذا الشان،"لاء لا ترد عليهم بس بدهم يخوفوك، الشغلة كلها سؤالين عالسريع وبتمشي حبيبي"

"الله يطمنك بالخير حبيبي، عدم الموئاخازة شو جاي تسوي باميركا؟"
"جاي اسوي امتحان بفيلادلفيا وانتا؟"
"انا حبيبي صرلي اربع تشهر عم بدور عشغل بالاردن ما لقيت اشي مناسب قلت لهون وبس قدمت لفيزا عاميركا ورفضوني اول مرة رحت سجلت بكلية مجتمع صارلي فيها لهسا ابو سنة وشوي بعدين اخذت ورقة خصوصي للسفارة من الكلية تحكي اني طالب و ضايللي فصلين دراسة فاعطوني فيزا عهاللاساس"
و لم يستطع حريقة التركيز في الحوار لانه تمكن اخيرا من رؤية صديقه واقفا على الشباك الاول وهو يلوح لمسؤول الامن بحركات غريبة بيديه فادرك انه ربما كان يجد صعوبة في شرح طبيعة الجميد

ثم عاد الشاب الى الحديث وكانه يقاطع نفسه "فهلا انا معي فيزا سياحية بدي اروح عند عمي بتكساس"

فساله حريقة، "طب متى راجع يعني؟"

فتفاجا الشاب بالسؤال واجاب"يعني شايفني حمار عشان ارجع؟"

فساله حريقة"طب مهو انت بس معك فيزا سياحية"

فاجاب الشاب ضاحكا "مهاي فيزا سياحية عشان اروح اسيح بتكساس" ثم اطلق قهقهة عالية وفتح فمه كاشفا عن اسنانه الصفراء
المنحدرة من سقف فمه كعواميد الكلس المتاكلة الهابطة من سقف المغارات ثم اردف قائلا "اول ما اوصل عمي بدبرلي شغل و وحدة اميركية بتجوزها عشان امشي معاملتي"

اثناء الحديث خرجت فتاة شقراء من غرفة التحقيق وهي تبكي وبدا وكان مسؤولي الامن رفضوا دخولها
ففتح الشاب عينيه وصرخ "اذا هاي ما بدهم يفوتها انا كيف بدهم يفوتوني؟" وفغر فاه الاجوف حتى انبعثت منه الرائحة المميزة لسجائر ريم التي لم تزل رائحتها عابقة على الرغم من طول الرحلة المكوكية من عمان

اجابه حريقة "لا تخافش خلي اعصابك هادية" ثم نظر ناحية الشباك ووجد صديقه للتو قد انهى الاستجواب الاولي ثم دخل الى غرفة
الانتظار وهو منهك فالقى بنفسه على احد الكراسي وهو يشتم الجميد وبعض افراد عائلته

بعد قليل اقترب منهم موظف الامن وامرهم بالذهاب الى الديسك لتعبئة استبيان اخر طويل للغاية
اثناء التعبئة توقف حريقة قليلا فساله الشاب "شو مالك"
--
"يا زلمة مش عارف اكتب اسم جدي من جهة امي ....ميخائيل بالانغليزي و هذول الاميركان بدققو عالحرف
"هسا اسم جدك ميخائيل وخايف! لا تخافش...انا اسم جدي جهاد والله وربك لاتبهدل"

اكمل الجميع تعبئة الاستبيان بدقة و حرص شديد وسط خوف حريقة من الخطا في تهجئة الاسماء فيبدو انه ينتحل هوية مختلفة وترقب الشاب الذي بدا يفكر في شرح معنى جهاد بالانغليزية اما صديقه فقد لف جميداته بكيس اخر لحماية اضافية وكانه قطع مجوهرات ثمينة وبدا تعبئة النموذج بهدوء تام

20 comments:

wedad said...

kol had,, waaaaaaaaal, kana balaha ro7et amirca !! msh fahmeh elshabab ana what their problem in amman, ok y3ni bala mo2a'7azeh nothing in it, and the guy menkom cant collect money or realy work in their future.. bs y3ni why USA. fi a7san menha bekteer...
anyway just a question hareega, how u remember all this!! ana i forgot what i did yesterday, actualy what i did before seconds!!

Hareega said...

I also forgot what I did yesterday, but there are certain events that you would never forget especially if you're having strong emotions about them. For example we were shitting on ourselves during these security checks because we had to fill up lots of papers and we were asked many questions, i can even remember the face of the INS woman who talked to me later.
America is worth going to if you know what do you want from it, otherwise you're wasting your time and money

ساري said...

ليش الأهل بيحبّوا يبعتوا جميد و زيت زيتون مع النّاس المسافرين كندا و أمريكا؟ يعني لازم أكتر أشياء بتدبّج و سائلة؟ صحيح تحشيش نكتة منسف يعني اكسبلوسف

أنا لمّا عبّيت ورقة السفارة عشان أروح لندن من شهرين سياحة، سألوني اذا كنت منضم لأي منظّمة ارهابية.. يعني عن جد مرّات بتكون الأسئلة قمّة السذاجة و الهبل

يا سيدي اللّه يخلّيلنا المنسف... و سأبقى أقول دائما أنّ التّفوّق الوحيد الباقي للعرب هو تفوّق المطبخ العربي بمراحل على أي مطبخ تاني بالعالم

شكرا على ذكرياتك اللّي عن جد ممتعة

Hareega said...

sary people in jordan sometimes think that whoever goes to america starves to death.
i eat mansaf in america more than i did in jordan.

Khalidah said...

"فاجاب الشاب ضاحكا "مهاي فيزا سياحية عشان اروح اسيح بتكساس" ثم اطلق قهقهة عالية وفتح فمه كاشفا عن اسنانه الصفراء المنحدرة من سقف فمه كعواميد الكلس المتاكلة الهابطة من سقف المغارات ثم اردف قائلا "اول ما اوصل عمي بدبرلي شغل و وحدة اميركية بتجوزها عشان امشي معاملتي"

This one cracked me up 7areega ... you have a talent for describing things as they are but in a sarcastic artistic way ... really love your style ..

As for the post .. brilliant as usual and I wonder how some can argue after they read this that the world did not change post 9/11

waelattili said...

والله يا حريقا أنا روحت بالألفين وأربعة على أمريكا وقفوني بمطار لوس أنجلوس.. مرتي ما حكوا معها ومشّوها على السريع بدون لا سين ولا جيم... بس أن لطعوني شوي وسألوني كم سؤال على السريع وبعدين مشوني.. بس صراحة ما كنت شايف الضو..

Jano said...

wallah nice :) bs inshallah inbasatto? :p

aya said...

hehhehehehehe hareega you cracked me up...

Summer said...

A post that tells what middle easterners face when they pass through the Immigration desk at any US airport...very true.
The guy who wanted to go for Seya7ah in Texas...this reflects the true and hidden agenda of "some" of the shameful Arabs who want to have the “American Dream” in a very disgraceful way...get whatever benefits they can and still curse America
America is not what it used to be, the “American Dream” has been shattered and it is really not worth seeking it anymore.

Dar said...

Yes3edli el na3'asheh ! wisho sar bel jameedat ba3dein !

CheeerZ!

Dar said...

Yes3edli el na3'asheh ! wisho sar bel jameedat ba3dein !

CheeerZ!

(Tealover) said...

Ya Hareega .. when I read your post .. the old saying came to me :

"شر البلية ما يضحك "
Seriously ! and latest on food . I heard that United states no longer allows any food to be within the luggage !
ra7at ayam eljameed welza3tar o zait elzaitoon ..

Moey said...

wala eshe..

hamede said...

Men bake ya madaba.

Hareega said...

Wael A., I agree they are friendly in the airports as long as you're cooperative. Still I can't afford not to get nervous there, there's something subconsciously that tells me that they think i'm guilty until proven otherwise!

jano ... yes we had a good time

aya :)

summer.... I share with you the same feeling about many Arabs who do the same, but I realized that people from other places do the same thing too, it doesn't make it right but at least we are not the pioneers lol.

dar... ba3rafsh 3an el jameedat, ra7o 3a houston

tealover, they don't allow it on carry-ons but u can still have it on your big luggage that is usually 50 pounds overwieight and carries a small grocery store in it lol

hamede ah madaba :D

Mala2e6 said...

زماااااااااااااااان

ضللك اكتب هيك قصص

كتير حلوة
بعرف انك وقتها ما كنت حاسس انها حلوة و كنت عايف التتن

بس هالبلوح بضل بالمستقبل يزكرك بكل شي صار

ايمتى ناوي ترجع؟

Qwaider قويدر said...

بتجنن يا حريقة... والله حسيت كأني انا ... يا زلمة مريت بنفس الاحداث!
الله يسعدك اما احلى اسلوبك! جد جد .. الله يسعدك

Hareega said...

mala2e6 shokran, maybe next year, mesh ra7 ashoof matar la wagtha :)

qwaider thanx bro

Lara said...

nahfeh :)

Anonymous said...

Hi, I think you are right.